Дүйнө чемпионаты: тандоо оюндарына барчу футболчулардын тизмеси жарыяланды

© Sputnik / Григорий Сысоев / Медиабанкка өтүүФутбол матчындагы оюнчулардын көлөкөлөрү
Футбол матчындагы оюнчулардын көлөкөлөрү - Sputnik Кыргызстан, 1920, 17.05.2021
Жазылуу
Улуттук команда Японияга 2-июнда учуп кетет. Башкы машыктыруучу тизмеге 25 оюнчуну киргизди. Дагы бешөө резервге алынган.
БИШКЕК, 17-май — Sputnik. Футбол боюнча Кыргызстандын улуттук командасынын башкы машыктыруучусу Александр Крестинин 2022-жылы өтүүчү дүйнө чемпионатына тандоо турундагы калган үч оюнга баруучу курамды жарыялады. Бул тууралуу Кыргыз футболдук союзунун (КФС) маалымат кызматы билдирди.
Пандемияга байланыштуу тандоо этабындагы калган оюндар борборлоштурулган форматта Японияда өтөт. 30-майда команда окуу-машыгуу өткөрүп, 2-июнда Осакаого (Япония) учуп кетишет.
Башкы машыктыруучунун тизмесине 25 футболчу киргизилди:
  • дарбазачылар: Валерий Кашуба, Кутман Кадырбеков (экөө тең "Дордой"), Эржан Токотаев ("Алга");
  • коргоочулар: Валерий Кичин ("Енисей", Россия), Тамирлан Козубаев ("Шинник", Россия), Бекжан Сагынбаев, Авазбек Откеев, Айзар Акматов, Мустафа Юсупов, Кайрат Жыргалбек уулу, Александр Мищенко (баары — "Дордой"), Алмаз Маликов ("Алай");
  • жарым коргоочулар: Фархат Мусабеков, Турсунали Рустамов (экөө тең — "Дордой"), Ахлидин Исраилов, Эльдар Молдожунусов (экөө тең — "Алай"), Бахтияр Дүйшөбеков ("Шейх Рассел", Бангладеш), Муролим Ахмедов ("Полис Клаб", Бангладеш), Эдгар Бернхардт ("Андижан", Өзбекстан), Алимардон Шүкүров ("Неман", Беларусь), Одилжон Абдурахманов ("Бунедкор", Өзбекстан), Гүлжигит Алыкулов ("Кайрат", Казакстан);
  • чабуулчулар: Мирлан Мурзаев, Абай Боколеев (экөө тең — "Дордой"), Эрнист Батырканов ("Кызыл-Жар", Казакстан).
Кошумча тизмеге беш оюнчу алынды: дарбазачы Павел Матяш ("Алга"), коргоочулар Акрамжон Умаров ("Алай") жана Кайрат Изаков ("Абдыш-Ата"), жарым коргоочулар Азим Азаров ("Алга") жана Азиз Сыдыков ("Дордой"). Булар зарылчылык болгон учурда гана чакырылат.
Тизмеге Германияда ойногон футболчулар Виктор Майер менен Виталий Люкс кирген эмес.
Беттештердин расписаниеси:
  • Кыргызстан — Монголия, 7-июнь (дүйшөмбү);
  • Мьянма — Кыргызстан, 11-июнь (жума);
  • Япония — Кыргызстан, 15-июнь (шейшемби).
Жаңылыктар түрмөгү
0