Үчүнчү ирет! Макгрегор Порье менен качан беттешери так айтылды
18:27 04.04.2021 (Жаңыртылды: 14:27 14.12.2021)
© REUTERS / Jeff Bottari
Жазылуу
UFC атлеттеринин экинчи беттеши быйыл 24-январда болуп, анда америкалык мушкер ирландиялыкты сулата чаап уткан.
БИШКЕК, 4-апр. — Sputnik. UFC уюмунун эки салмак боюнча мурдагы чемпиону Конор Макгрегор менен Дастин Порье үчүнчү жолу беттешүүгө макул болуп, убактысын такташты. Бул тууралуу ESPN телеканалы жазды.
Ага ылайык, мушкерлер UFC 264 турниринин алкагында Лас-Вегаста 10-июлда кармашмай болду. Спортчулар кеченин башкы беттешинде жолугушат.
Ал арада Макгрегор америкалык спортчу менен кармашарын жеке баракчасы аркылуу дагы жар салып, атаандашын "жок кыларын" айтты.
The fight is booked!
— Conor McGregor (@TheNotoriousMMA) April 3, 2021
July 10th you’re gonna see what the Mac is about.
Adjust and absolutely fucking destroy! #BilliStrut pic.twitter.com/bdFlGyN3i1
Ал эми Дастин Конордон улам чемпиондук кур үчүн боло турчу титулдук беттешинен баш тартканы айтылды. Муну UFC президенти Дана Уайт да тастыктаган.
"Бул беттешти өзү тандады. Мен чечимди туура деп ойлойм. Буга чейин башка мушкерлер өзүнө пайдалуу беттешке караганда бел кур үчүн кармашты тандап кетип, катачылык кетирип алган учурлар кездешкен", —деген Уайт.
Dana White told me that Dustin Poirier was offered a shot at the lightweight title and decided to pursue the Conor McGregor rematch instead.
— Aaron Bronsteter (@aaronbronsteter) March 25, 2021
UFC атлеттеринин беттеши быйыл 24-январда Абу-Дабидеги "Мушкерлер аралы" спорттук жайында өткөн. Анда америкалык мушкер ирландиялыкты таймаштын экинчи раундунда сулата чаап уткан. Муну менен Макгрегор карьерасында алгачкы ирет нокаутка түшүп жеңилген.
Спортчулар алгач 2014-жылы жолугуп, анда Конор Порьени нокаут менен уткан.
