БИШКЕК, 15-ноя. – Sputnik. Президенттикке талапкер Садыр Жапаров БШКга шайлоого катышуу боюнча арызын чакыртып алып, кайра тапшырды.
Бул тууралуу маалымат БШКнын сайтына түндө жарыяланды.
Жапаров документтерин алгач эртең мененки саат 10:00дө тапшырган. Бирок кийинчерээк ал президенттик ыйгарым укуктарын тапшырбаганы жана премьерлик укуктарын токтото электиги аныкталган.
Маалымат катчысы Галина Байтерек Жапаров ыйгарым укуктарын тапшыргандан кийин кыргызстандыктарга кайрылуу жасай турганын кабарлаган. Жапаровдун элге кайрылуусу саат 21:00дө жарыяланган.
Эми Жапаров БШКнын тизмесиндеги 63-сапта турат. Буга чейин 37-сабында болчу.
