БИШКЕК, 9-ноя. — Sputnik. Азербайжан россиялык Ми-24 тик учагын атып алгандыгын мойнуна алганын аталган өлкөнүн ТИМи билдирген. Бул тууралуу РИА Новости жазды.
Бүгүн Армения аймагында Россияга тиешелүү тик учакты Азербайжандын аскердик күчтөрү кокусунан атып түшүрүп алгандыгы боюнча кабар тараган. Анын кесепетинен экипаждын эки мүчөсү каза таап, бирөө оор жарадар болуп аэродромго жеткирилген.
Ведомстводон Тоолуу Карабах чырынан улам кагылышуулар болуп жаткан армян-азербайжан чек арасына жакын жана жапыз учкан тик учакты катачылык менен атып түшүрүп алгандыктарын билдиришкен.
Аскердик аба транспорту чабуулдан кийин тоолуу аймакта башкаруусун жоготуп, кулап түшкөн.
"Кан төгүп жатышат". Карабахта россиялык тынчтык орнотуучуларды ким күтөт?
Алар Ми-24 караңгыда, ПВО кажажаттары радары кармабай турган аймакта учуп жүргөнүн айтышкан. Мындан сырткары, кырсык болгон аба мейкиндигинен алды-кийин россиялык Ми-24төр кездешпегендигин кошумчалашкан.
"Азербайжан Россия тараптан трагедиялуу окуя кокусунан болуп кеткендиктен жана чабуул эч качан Россия тарапка багытталбагандыгын билдирип кечирим сурайт", — деп айтылган ТИМдин маалыматында.
Мурдараак Россиянын Коргонуу министрлиги 102-россиялык аскер базанын командачылыгы россиялык тик учакты атып түшүргөн тарапты аныктоо боюнча териштирүү иштерин жүргүзүп жатканы кабарланган.
