БИШКЕК, 24-сен. — Sputnik. Кыргызстандын мурдагы премьер-министри Сапар Исаков Молдовановка айылындагы №27 түзөтүүчү колонияга которулду. Бул тууралуу Жаза аткаруу мамлекеттик кызматынан билдиришти.
Маалыматка караганда, Жаза аткаруу кодексинин 72-беренесинин 5-пунктуна ылайык, Исаков 23-сентябрдан тарта жазасын ушул колонияда өтөп баштады. 2018-жылдын жай айынан бери ал УКМКнын тергөө абагында кармалып, кийин аны Петровка айылындагы №1 СИЗОго убактылуу которушкан.
65 млн. сомдук зыян. Мурдагы министр Чолпонбаев эки айга тергөө абагына камалды
Исаков буга чейин Бишкек ТЭЦин реконструкциялоодогу коррупцияга тийиштиги бар деп 15 жылга эркинен ажыратылган. Сот ал өкүмдөн тышкары мүлкүн конфискациялоо, Кыргызстандын ыйгарым укуктуу элчиси дипломатиялык рангынан, II даражадагы "Манас" орденинен ажыратуу чечимин чыгарган.
