Мультфильм каарманына айланган ар улуттун кыздары. Суктанткан сүрөттөр

БИШКЕК, 10-июл. — Sputnik. Россиянын Тула шаарынын тургуну, сүрөтчү Лера Кирякова түрдүү улуттарды кыздарынын образы менен көрсөткөн. Көз жоосун алган сүрөттөрүн ал Instagram баракчасына жарыялаган.

Сүрөтчү эмгектеринде мультфильм каармандары сыяктуу кылып ар улуттун кыздарын тарткан. Буга кошумча кыздарды улуттук кийимдери, буюмдары жана кооздуктары менен шөкөттөп койгон.

Анын эмгектеринин арасынан Россия, Индия, Япония, Монголия, Украина сыяктуу онго чукул улуттун кыздарынын сүрөтүн көрүүгө болот.

Көз жоосун алган сүрөттөрдүн арасында кыргыз же казак кызына окшогон образды да байкоого болот.

Сүрөттө чачы беш көкүл болуп өрүлүп, башына тебетей кийген кыз да бар. Ал колуна көөкөр кармап, артына улак учкаштырып алган. Сүрөткө айрымдары "бул кыргыз кызы го" деген комментарий калтырса, кээ бири "казакпы же кыргызбы?" деп суроо салган.

Сүрөтчүнүн баракчасынан башка да мультфильмдин каармандарын табууга болот.