БИШКЕК, 29-май — Sputnik. Кыргызстанда бир сутка ичинде төрт медицина кызматкери коронавирус жуктуруп алды. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.
Анын айтымында, ооруга кабылгандардын үчөө Бишкектен жана бирөө Ош шаарынан. Ал эми сутка ичинде айыккандар болгон жок.
Жалпысынан республика боюнча COVID-19 диагнозу менен медицина кызматкерлеринин арасында 330 учур катталды. Алардын 247си стационарлардан айыгып чыккан.
Кыргызстанда кырдаал кандай нукта өнүгүп жатканын Sputnik агенттиги жүргүзгөн тексттик баяндамадан билүүгө болот.
