БИШКЕК, 3-май — Sputnik. Бир сутканын ичинде дагы жети медицина кызматкерине коронавирус жукту. Бул тууралуу Коомдук саламаттыкты сактоо башкармалыгынын башчысы Айнура Акматова брифинг учурунда билдирди.
Анын айтымында, вирус жуктуруп алган медиктердин бешөө Бишкек шаарында, экөө Чүй облусунда иштейт.
Жалпысынан республика боюнча COVID-19 диагнозу менен медицина кызматкерлеринин арасында 207 учур катталды, алардын ичинен 139у стационарлардан айыгып чыккан.
Белгилей кетсек, кечээ коронавирус жуктуруп алган бир дарыгер көз жумду.
Белгилей кетсек, кечээ коронавирус жуктуруп алган бир дарыгер көз жумду.
Бүгүн дагы 26 адам вирус жуктуруп, жалпы саны 795ке жетти.
Кыргызстанда коронавирус тууралуу соңку маалыматтарды Sputnik Кыргызстандын тексттик баяндамасынан окуп туруңуздар.
