БИШКЕК, 2-май — Sputnik. Бүгүн, 2-майда, Бишкектин республикалык инфекциялык ооруканасында коронавирус аныкталган эки бейтап көз жумду. Бул тууралуу Республикалык штаб кабарлады.
Маалыматка ылайык, көз жумган бейтаптын бири медициналык кызматкер, ал №3 үй-бүлөлүк медицина борборунун үй-бүлөлүк дарыгерлер тобунун 58 жаштагы жетекчиси. Экинчи бейтап Жалал-Абад облусунун 69 жаштагы тургуну экени айтылды.
Эки бейтаптан теӊ эки тараптуу пневмония аныкталган, дем жетпей кыйналганы айтылат. Мындан башка жүрөк оорусу жана кант диабети бар экени белгилүү болду.
Коронавирус аныкталып көз жумгандардын саны ушуну менен 10го жетти.
Өлкөдө жалпысынан коронавирус 769 адамдан аныкталды. Анын ичинен 527си айыкты. Азыркы тапта стационарда 232 бейтап дарыланып жатат.
