Коронавирустун Кыргызстандагы 47-күнү: абал боюнча тексттик баяндама

Бул туурасында Саламаттыкты сактоо министрлигинен кабарлашты.

Аларга адистер онлайн-кеңештерди берип турган. Ал эми айы-күнү жеткенде обсервациядагы төрөт бөлүмүнө жеткирилген.

Мындай чечимди Облустук ыкчам штаб кабыл алганын Республикалык штабдан билдиришти.

Аймак тургундары жүйөлүү себептер менен башка региондорго барууга, райондук, мамлекеттик администрациялардын жана Каракол, Балыкчы шаардык мэриялары тарабынан берилген өткөрмө уруксат кагаздарынын негизинде чыга алышат.

"Кайра облус аймагына кирген учурда жарандар милдеттүү түрдө экспресс-тест же ПЦР-анализ тапшыргандыгы жөнүндө маалым кат көрсөтүшү керек. Мындан ташкары, 14 күндүк үй карантинине алынат. Бул шарттар Ысык-Көл облусунун аймагына кире турган адамдардын бардыгына тиешелүү", — деп айтылат билдирүүдө.

Кечээ, 2-майда, коронавирустан каза болгон Жалал-Абад облусунун 69 жаштагы тургуну жакында эле Россиядан келген. Бул туурасында Республикалык штаб билдирди.

Маалыматка ылайык, маркум 28-апрелде Екатеринбургдан чартердик каттам менен Бишкекке алып келинген. Алгоритм боюнча обсервацияга жаткырылып, андан COVID-19 тастыкталгандан кийин Республикалык инфекциялык клиникалык ооруканасына которулган.

Ошондой эле аялдын өнөкөт оорулары болгону айтылат. Ал жүрөктүн тубаса ишемиялык илдети, атеросклероз, тубаса бөйрөк жетишсиздиги жана инсулинге көз каранды кант диабети менен ооруп жүргөн.

“Кооптуу акыбалга келип калдык. Жардамдар берилип, элди камтыган менен башка маселе болууда. Оору жуктурган жарандардын саны күн сайын өсүп жатат. Андыктан жакшы нерселер үчүн үйдөн көп чыкпай, бала-чаканы көзөмөлдөп, санитардык эржелерди сакташыңыздарды суранат элек. Баарыбыз буулугуп бүттүк. Бирок, келечек, улут үчүн ден соолукту сактап, үйдө отуруп бергиле деп суранабыз. Жоопкерчиликти ар бирибиз өзүбүзгө алалы”, - деди маалымат жыйын учурунда Балбак Түлөбаев.

“Бийликке ишенбейбиз, коррупцияга жол берилиши мүмкүн деген көп сөздөр болууда. 312 tunduk порталына берилген жардам боюнча маалыматтар жайгаштырылган.  Жалпысынан 108 миңге жакын жаран боюнча маалыматтар киргизилип жатат. Канча кишиге жардам берилгенин пандемия бүткөндөн кийин толук билсе болот”, - деди Бишкек мэриясынын аппаратынын жетекчиси Балбак Түлөбаев.

Статистика боюнча 2-майда эки киши COVID-19дан кайтыш болгону белгиленген.

Мындан сырткары инфекция 76 кишиден табылган. Учурда дарыгерлердин кароосунда 2,8 миң пациент турат.

Тажикстанда биринчи илдет 30-апрелде катталган. Анда дароо 15 кишиден инфекция чыккан. Алардын 10у Согди, ал эми бешөө Душанбе шаарынан катталган.

16 жашка чейинки балдар арасында вирус жуктургандардын саны — 107. Алардын ичинен бир жашка чейинки бөбөктөр алтоо. 16-19 жаштын ортосундагы улан-кыздардын саны 24кө чыкты", — деди Коомдук саламаттык сактоо башкармалыгынын башчысы Айнура Акматова. 

Кыргызстанда ушул тапта коронавирус жуктуруп алгандардын билинбей, киши өзү байкабай эл арасында жүрүшү толук мүмкүн.   Бул туурасында Вирустарды көзөмөлдөө боюнча республикалык илимий борбордун жетекчиси Зуридин Нурматов  маалымат жыйын учурунда билдирди.

Адис мындай кооптуулук туурасында айтып жатып, инфекция ар кыл жерден жугуп кала тургандыгын айтты.

“Бул ар кайсы жерден, маселен, лифтиге түшкөндө да башкага же үйдөгү жакындарына жугушу мүмкүн. Алар сезбегендиктен медициналык мекемелерге кайрылбайт. Муну атайын иликтөө жүргүзгөндө гана билүүгө болот. Сасык тумоо, грипп менен 1 кварталда 93 300 киши катталды. Алардын арасында коронавирус менен ооругандар жок деп айта  айта албайбыз”, - деди Нурматов.

“Майдын акырында инфекциянын күндө аныкталуусу басаңдайт деп турабыз. Оору майдын аякташы менен токтолот деген божомол бар”, - деди Вирустарды көзөмөлдөө боюнча республикалык илимий борбордун жетекчиси Зуридин Нурматов  маалымат жыйын учурунда билдирди.

Чүй облусунда – 2

 Бишкек шаарында – 5

Бишкек ш. – 14
Ош облусу - 2
 Чуй облусу – 9
 Баткен облусу - 1