БИШКЕК, 29-апр. — Sputnik. 8-май күнү "Культура" телеканалында "Ялтага карай жол" деп аталган эл аралык музыкалык фестивалынын жарым финалы өтөт. Апрелдин аягында чет элдик музыканттар Крымга чогулуп, Улуу Ата Мекендик согуш тууралуу советтик ырларды аткарышмак. Бирок пандемиядан улам уюштуруучулар иш-чараны онлайн-форматка өткөрүүгө аргасыз болушту.
Фестивалдын башкы максаттары жана артисттерди монитордон баалоо тууралуу Sputnik агенттигине конкурка калыстык кылган топтун мүчөсү, РФ эмгек сиңирген артисти Денис Майданов айтып берди.
Мыктыны тандоо оор болот
Өз үйлөрүнөн конкурска катышып жаткан ырчылар эфирге чыгып, өз тилинде "Темная ночь", "Землянка", "Здесь птицы не поют", "Журавли" "Смуглянка" жана башка ырларды жаңыртышат. Андан соң калыстар онлайн режимде өз баасын берип, катышуучулар менен баарлашмакчы.
Денис Майданов катышуучуларды монитор аркылуу баалоо оңой иш эмес экенин айтат.
"Ар бир аткаруучунун өзүнүн өзгөчөлүгү болот, аудиторияга таасири да ар башка эмеспи. Жанында туруп баалоого эмне жетсин, бирок азыркы кырдаал да башкача болуп жатпайбы. Дүйнө жүзүндөгү эл бири-биринен обочолонуп калды", — деди Майданов.
Артисттин маегин толук окуп, фестиваль тууралуу кенен маалымат алсаңыз болот.
