Кыргызстан Италиядан келгендерге дагы карантин жарыялады

© Фото / пресс-служба президента КРМеры по предупреждению и выявлению заболевания коронавирусом в Кыргызстане
Меры по предупреждению и выявлению заболевания коронавирусом в Кыргызстане - Sputnik Кыргызстан
Жазылуу
Yandex newsTelegram
22-февраль күнү Италияда 62 адам вируска кабылгандыгы аныкталган. Эки күндөн кийин эле, 24-февралда, ооругандардын саны 157ге жеткен.

БИШКЕК, 26-фев. — Sputnik. Кыргызстан коронавируска байланыштуу Италиядан келгендерге дагы карантиндик тартип киргизди. Бул тууралуу Саламаттык сактоо министрлигинен кабарлашты.

Буга чейин ушундай эле тартип Кытай, Түштүк Корея, Иран жана Япониядан келгендерге киргизилген. Кыргызстанга бул өлкөлөрдөн келген жарандар 14 күн бою атайын жайларда болушат. Тизме дүйнөдөгү эпидемиологиялык абалга жараша толукталып турмакчы.

Эске салсак, 22-февраль күнү Италияда 62 адам вируска кабылгандыгы аныкталган. Эки күндөн кийин эле ооругандардын саны 157ге жеткен.

"Кыргызстанда 26-февралга карата коронавируска кабылгандар катталган жок. Өлкөдө эпидемиологиялык абал туруктуу", — дешти министрликтен.

Учурда медициналык көзөмөлгө стационардык шартта 158 адам, жашаган жери боюнча 408 адам алынган. Кыргызстандын мамлекеттик чек арасындагы бардык көзөмөл-өткөрмө жайлар күчөтүлгөн тартипте иш алып барып жатат.

Жаңылыктар түрмөгү
0