БИШКЕК, 21-фев. — Sputnik. Февраль айынын башынан бери алтын корунун баасы 51 миллиард 31,1 миллион сомго жеткенин Улуттук банктын сайтында маалымдалды.
Жылдын башына салыштырмалуу запастын наркы 48,8 миллиард сомго көбөйгөн.
Улуттук банктагы ачык маалыматтарга ылайык, алар 2008-жылдан бери жарыяланып келет. Бул рекорддук көрсөткүч. Анда Кыргызстандын 2,5 миллиард сомго бааланган алтыны бар экени айтылган.
Былтыркы жылдын ноябрь айында Улуттук банктагы алтындын кору 14,4 тонна эле. Ал эми 2018-жылы 10,8 тонна болгон. Негизи баалуу таштын көпчүлүк бөлүгү 2011-жылы сатып алынган.
Алтын валюта запасы (эл аралык валюта резерви) Улуттук банкка сомдун курсун кармоо мүмкүндүгүн берет. Резерв 10дон ашык валютадан, СDR (эл аралык акча бирдигинин төлөм каражатынан жана жасалма резервден — атайын карыз алуу укугу) жана алтындан турат.
