Маматкулов: жеке ветеринарлардын реестрине 924 адис катталды
Жеке ветеринарлардын реестрине 924 адис катталды. Алардын 50 пайызы жогорку билимдүү. Бул тууралуу Кубатбек Маматкулов Sputnik Кыргызстан радиосуна маек куруп жатып билдирди.
Анын айтымында, аталган реестрге катталбагандар жеке ветеринардык ишкердүүлүк менен алектене алышпайт.
"Жеке ветеринардык ишкердикти жүргүзүү укугун алган адистердин маалыматтык базасы түзүлгөн. Бүгүнкү күндө ага 924 адис катталып, алардын 50 пайызы жогорку билимдүү. Калганы параветеринардык адистер. Аталган система бул тармакты эл аралык талаптарга туура келтирүү, өлкөнүн экспорттук потенциалын жогорулатуу, жеке ветеринардык ишкердикти жөнгө салуунун натыйжалуу системасын түзүү үчүн киргизилүүдө", — деди Маматкулов.
Ошондой эле ал аталган реестр ветеринарлар тууралуу өздүк жана кесиптик маалыматтарды толук камтып, жаңылыктар мекеменин сайтында жеткиликтүү экенин кошумчалады.
