Кытайда коронавирустан каза тапкандардын саны 80ге жетип, 2744 адам ооруп жатат

© AP Photo / Mark SchiefelbeinМедицинский работник в защитном костюме измеряет температуру пассажира у входа на станцию метро в Пекине. 26 января 2020 года
Медицинский работник в защитном костюме измеряет температуру пассажира у входа на станцию метро в Пекине. 26 января 2020 года - Sputnik Кыргызстан
Жазылуу
Yandex newsTelegram
Маалыматка караганда, 461 бейтаптын абалы оор. Ал эми ооруканадан чыгарылгандардын саны — 51. Ооруга кабылышы мүмкүн дегендер алты миңге чамалады. 

БИШКЕК, 27-янв. — Sputnik. Кытайда жаңы типтеги коронавирусту жугузуп алып каза тапкандардын саны 80 кишиге жетип, 2744 адам ооруп жатат. Бул туурасында РИА Новости өлкөнүн Саламаттык сактоо мамлекеттик комитетине шилтеме берип жазды.

Кечээ, 26-январда, ооругандардын саны 1975 болсо, анын 56сынын көз жумганы айтылган болчу.

Маалыматка ылайык, 461 бейтаптын абалы оор. Ал эми ооруканадан чыгарылгандардын саны — 51. Ооруга кабылышы мүмкүн дегендер 5794 болду. Соңку статистика боюнча вирустун Кытайдан тышкары Гонконгдо сегиз, Макаодо беш, Тайванда төрт учуру катталды.

Global Times гезити билдиргендей, илдеттин очогу болгон Хубэй провинциясында 76 бейтап каза таап, 1423 киши ооруп жатат.

Вирус тууралуу эмне белгилүү

Ооруканадары дарыгер. Архив - Sputnik Кыргызстан
Коронавирус Бишкекке жеттиби? Дарыгердин жообу
2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. Вирус адамдарга базарда сатылган жыландан жуккан деген версия бар.

Медиктер оору адамдан адамга жугарын айтышты. Кытайдан башка бир нече мамлекетте да бул ооруну жуктуруп алгандар каттала баштады. Буга байланыштуу дүйнөнүн ар кайсы өлкөлөрү аба майданындагы текшерүүнү күчөтүштү. Кыргызстанда да мындай абал көзөмөлгө алынып, ТИМ мүмкүн болсо Кытайга барбай турууну сунуштады.

Жаңылыктар түрмөгү
0