Башкы штабдан НАТОнун масштабдуу чырга даярдыгы туурасында билдирүү кылышты

Жазылуу
НовостиTelegram
Генералдын айтымына караганда, альянстын аракеттери Россия-НАТО жакындаган жерлерде чыңалууну арттырып, коопсуздук деңгээлин төмөндөтүүдө.

БИШКЕК, 18-дек. – Sputnik. НАТОнун тездик менен болгон аскердик машыгууларынын сценарийи альянстын ири масштабдуу аскерий чыр-чатакка билип туруп эле даярданып жаткандыгын көрсөтүп турат. Бул туурасында Россиянын Куралдуу күчтөрүнүн Башкы Штабынын жетекчиси Валерий Герасимов айткандыгын РИА Новости "Красная звезда" басылмасына шилтеме берип жазды.

Герасимов чет элдик мамлекеттердин аскерий атташелер катышкан брифингде сүйлөп жатып, Брюсселдин доктриналык документтерине Россия каршылаш деген макам менен берилгенин эске салды. Ал эми НАТОнун декабрдагы саммитинде альянстын "чыгыш флангага" күчтөрдү тездик менен көбүрөөк жайгаштыруусу кадимкидей байкалган.

Башкы штабдын айтымына караганда, 2016-жылдан тарта НАТО мүчөлөрү коргонууга кетчү каражатты 130 миллиард долларга чыгарган. Ал эми 2024-жылга карата сумманы 400 миллиард долларга көбөйтүү каралууда. Мындан сырткары, космосто артыкчылык кылуу боюнча саммитте айтылып, космос мейкиндигинде кургактык, суу, аба жана кибер аймак менен катар эле аскердик аракеттерди жасоо чечими кабыл алынган.

"АКШнын ракеталык кол салуудан коргонуу боюнча компоненттерин Европада жайылтуу боюнча иш уланууда. Балтика боюндагы, Польшадагы жана Ак, Кара деңиздердин акваториясында аскерий активдүүлүк уланууда, андан сырткары, блоктун аскерий машыгуулары дембе-дем өтүп жатат. НАТОнун тездик менен болгон аскердик машыгууларынын сценарийи альянстын ири масштабдуу аскерий чыр-чатакка билип туруп эле даярданып жаткандыгын көрсөтүп турат", — деп кошумчалаган Герасимов.

НАТОнун бүлүнүүсү: альянс биримдигин сактап кала алабы? - Sputnik Кыргызстан
НАТОнун бүлүнүүсү: альянс биримдигин сактап кала алабы?
Ошол эле учурда Башкы штаб жетекчиси кооптуу болгон аскерий чатактардын чыгып кетүү тобокелдигин азайтуу максатында альянс менен диалогду улантуу зарыл деген бекем ишенимде.

"Россиянын аскерий коопсуздукту камсыздоо багытындагы ар бир кадамы, пландаган ар бир иши, армия менен флоттун курулушу боюнча өткөргөн иш-чарасын Батыштын үгүтчүлдөрү ар бир окутуусунда жана фейк ЖМКлар материалдарында "дүйнөгө болгон кооптуулук" катары айтып, жайылтып жатат",— деди Герасимов.

Генералдын айтымына караганда, альянстын аракеттери Россия-НАТО жакындаган жерлерде чыңалууну арттырып, коопсуздук деңгээлин төмөндөтүүдө.

"Аскерий тармакта кооптуу чатактардын тобокелдигин төмөндөтүү бир жагынан Россия менен болгон диалогдо маанилүү багыттардын бири катары калышы керек. Ал эми экинчи жагынан бул — АКШ жана НАТО. Чогулуп калган көйгөйлөр менен маселелерди чечүү үчүн Россия-НАТОнун өз ара кызматташуусун жаңылоо зарыл", — деди ал.

АКШнын жана Түркиянын президенттери Дональд Трамп жана Реджеп Тайип Эрдоган. Архив - Sputnik Кыргызстан
Кимдин чыдамы биринчи кетет. Эксперт Түркия менен АКШ алакасына баа берди
Декабрдын башында Россия лидери Владимир Путин НАТОнун орустардын чек арасына жакындоосу өлкөнүн коопсуздугуна коркунуч жаратат деген пикирин билдирген. Ал ой жүгүртүү боюнча өткөн жылдардын стереотиптери майнаптуу чечимдерди табууда жана кабыл алууда жакшы жардамчы боло албастыгын айткан. Президент муну менен катар эле НАТО менен кызматташууга даяр экендигин Россия бир нече ирет билдиргендигин эске салган. Бул — террорчулук, өз-өзүнчө болгон куралдуу чатактар, жапырт кыргын салуучу куралдардын көзөмөлсүз жайылып кетүү коркунучу болгон.

Жаңылыктар түрмөгү
0