Небере багам деп ойлогом... Экс-министр сотто акыркы сөзүн айтып ыйлап жиберди

© Пресс-служба президента КР / Султан ДосалиевБишкек ТЭЦин модернизациялоодогу коррупция боюнча айыпталган мурдагы финансы министри Ольга Лаврова. Архив
Бишкек ТЭЦин модернизациялоодогу коррупция боюнча айыпталган мурдагы финансы министри Ольга Лаврова. Архив - Sputnik Кыргызстан
Жазылуу
Айып тагылып жаткан Ольга Лаврова 2012-2015-жылдары Кыргызстандын финансы министри болуп иштеген. Ал кызматын так өтөгөнүн белгиледи.

БИШКЕК, 6-дек. — Sputnik. Бишкек ТЭЦин модернизациялоодогу коррупция боюнча айыпталган мурдагы финансы министри Ольга Лаврова сотто акыркы сөзүн сүйлөп жатып көзүнө жаш алды.

Ал СССР убагынан бери жигердүү иштеп жатканын белгилеп, 35 жыл жетекчилик кызматты аркалаганын эске салды.

Ал эми 42 жылдык эмгек жолунда бир дагы калпыстык кетирбегенин билдирди.

"Дагы бир-эки жылдан кийин пенсияга чыгам, неберелеримди карап үйдө отурам деп ойлогом. 2012-жылы Жантөрө Сатыбалдиев чакырып, "дефицит өсүп жатат, финансы тармагын жөнгө салып бериңиз. Бул жерде менин эмес, мамлекеттин кызыкчылыгы каралып жатат" деп суранган. Макул болуп натыйжалуу иштеп, өз ыктыярым менен кеткенден кийин кылмышка айыпташканы катуу сокку болду", — деп көзүнө жаш алды экс-министр.

Кыргызстандын мурдагы премьер-министри Сапар Исаков. Архив - Sputnik Кыргызстан
Жээнбековдун мени угушун каалайм! Сапар Исаков сотто акыркы сөзүн айтты
Ольга Лаврова 2012-2015-жылдары финансы министри болуп иштеген.

Жараян учурда Бишкектин Свердлов райондук сотунда өтүп жатат.

Айыпталуучулардын тизмесинде Сапар Исаков, Жантөрө Сатыбалдиев, Осмонбек Артыкбаев, Салайдин Авазов, Жолдошбек Назаров, Темирлан Биримкулов, Айбек Калиев, Ольга Лаврова бар. Баары акыркы сөзүн айтып бүттү. Сот өкүм чыгаруу үчүн кеңешүү залына чыгып кетти.

Жаңылыктар түрмөгү
0