БИШКЕК, 12-окт. — Sputnik. Бизге апамдын ден соолугунун эл оозунда кеп-сөз болушу кызык эмес. Ошол себептен журналисттер менен байланышка чыкпай жатабыз. Мындай пикирин актриса Анастасия Заворотнюктун кызы Анна Instagram баракчасы аркылуу билдирди.
Айрымдар актрисанын үй-бүлөсү үн катпай тынч отурганына нааразы болгон. Анна ал адамдын сөзү туура эмес экенин айтып жооп берген.
Посмотреть эту публикацию в Instagram
"Сиздики туура эмес! Бизге апамдын ден соолугун "хайп" кылуу кызык эмес. Ошол себептен журналисттер менен байланышка чыкпай, телеканалдарга барбай жатабыз. Биринчи кезекте апамдын тынч жана бактылуу жашоосу маанилүү. Калганы эч нерсеге арзыбайт", — деп жазган Анна.
Эске салсак, россиялык актриса жана алып баруучу Анастасия Заворотнюктун ооруп калгандыгы тууралуу август айында билинген. Сентябрда дарыгерлер анын дарты айыккыс экенин айтышкан.
Ал эми 23-сентябрь күнү медиктер актрисаны дарылоону токтотуп, жүрөгүнүн согушун гана көзөмөлдөп жатышканы боюнча маалымат тараган. Азыр актриса үйүндө.
Жакында эле Заворотнюктун директору актрисанын өлүмү тууралуу маалыматка жооп берген.
Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Биздин Telegram-каналга жазылыңыз.
