БИШКЕК, 7-окт. — Sputnik. Анастасия Заворотнюктун концерттик директору Стас Христов НТВ телеканалына маек берип жатып, ал тууралуу ушак-айың таратууну токтотууга чакырды. Мындан тышкары, ал интернетте актриса көз жумду деп тарап кеткен маалыматтарды төгүндөгөнүн РИА Новости жазды.
"Анастасия жөнүндө интернетте эмне деген гана кептер болуп жатат? Айрымдар аны өлтүрүп дагы салышты. Андан көрө оор акыбалда турган үй-бүлөгө түшүнүү менен мамиле кылсак. Азыр алар актрисанын ден соолугу боюнча эл алдына чыгып маалымат берүүгө даяр эмес", — деди Христов.
Эске салсак, россиялык актриса жана алып баруучу Анастасия Заворотнюк ооруп калгандыгы тууралуу август айында билинген. Сентябрда дарыгерлер анын дарты айыккыс экенин айтышкан.
Ал эми 23-сентябрь күнү медиктер актрисаны дарылоону токтотуп, жүрөгүнүн согушун гана көзөмөлдөп жатышканы боюнча маалымат тараган.
Биздин Telegram-каналга жазылыңыз.
