БИШКЕК, 9-окт. — Sputnik. Мээ рагы менен жабыркап жаткан россиялык актриса Анастасия Заворотнюктун клиникадан чыгышы дарылоону токтотуу менен байланыштуу болушу мүмкүн же дарылоо натыйжасын бербей калды. Бул туурасында "Звезда" медиагруппасы Блохин атындагы Онкология жана гематология борборунун дарыгери Игорь Долгополовго шилтеме берип жазды.
Онколог Долгополовдун айтымында, актриса чалдыкты делген глиобластоманы хирургиялык жол менен алууга болбой жатса, дарылоо мүмкүн эмес. Дары-дармектин жардамы менен мындай бейтаптар эки жылдан ашык өмүр сүрө алат.
"Мен билгенден ал көптөн бери дарыланып келет жатат. Диагнозун койгондон баштап дарыланганга чейинки убакытты эсептесек, эки жыл кетет. Актрисаны ооруканадан эмнеге чыгарышканын болжолдоп билсе болот. Себеби дарылануу натыйжасын бербей калганда бейтап үйүнө жиберилиши ыктымал. Бирок үйүнөн паллиативдик терапия ала берет, — деген Долгополов.
Эске салсак, россиялык актриса жана алып баруучу Анастасия Заворотнюк ооруп калгандыгы тууралуу август айында билинген. Сентябрда дарыгерлер анын дарты айыккыс экенин айтышкан.
Ал эми 23-сентябрь күнү медиктер актрисаны дарылоону токтотуп, жүрөгүнүн согушун гана көзөмөлдөп жатышканы боюнча маалымат тараган.
Жакында эле Заворотнюктун директору актрисанын өлүмү тууралуу маалыматка жооп берген.
Биздин Telegram-каналга жазылыңыз.
