БИШКЕК, 3-сен. — Sputnik. 4-сентябрда Чүй, Талас, Жалал-Абад, Ысык-Көл, Нарын облустарынын көпчүлүк аймактарында, Ош, Баткендин кээ бир райондорунда жаан жаап, күн күркүрөп, тоолуу өрөөндөрдө кар жаашы күтүлөт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге чейин жетет.
Билдирүүгө ылайык, абанын температурасы Чүйдө +20…+25, Талас, Ысык-Көлдө +19…+24, Нарында +21…+26, Ош, Баткен жана Жалал-Абад облустарында +23…+28 градус жылуу болот.
Ал эми Бишкек шаарында мезгил-мезгили менен жаан жаап, күндүн табы +23…+25 градуска чейин көтөрүлсө, Ош калаасында күн ачык болуп, абанын температурасы +26…+28 градуска жетет.
