БИШКЕК, 2-сен. — Sputnik. Бишкектеги негизги көчөлөрдүн биринде BMW 528 автоунаасы күйүп кетти. Бул тууралуу ӨКМден кабарлашты.
Өрт Чыңгыз Айтматов проспектисиндеги көп кабаттуу үйлөрдүн алдындагы машина токтотуучу жайдан 2-сентябрга караган түнү чыккан.
Күбө жарылуу сыяктуу катуу үн чыкканын билдирген. ӨКМден кабарлашкандай, автоунаа толугу менен күйүп кеткен. Машинаны 15 мүнөттөй өчүрүшкөн.
Алдын ала маалымат боюнча, машинанын электр жабдуулары тийишип калып, өрт чыккан.
