БИШКЕК, 7-авг. — Sputnik. Мурдагы президент Алмазбек Атамбаевдин кызы Алия Шагиева бүгүн, 7-августта, Кой-Ташта болгон окуя тууралуу кайрылуу жасады.
Анда атасы Алмазбек Атамбаев эч жакка качпаганын жана аны кармалды деген маалыматтар суу кечпей турганын билдирди.
"Биринчиден, атам эч жакка качкан жок. Аны эч ким кармаган да жок. Ал коопсуз жайда жашынып отурат деген сөз да суу кечпейт. Ал азыркыга чейин Кой-Ташта. Экинчиден, "Акнет" "Апрель" телеканалынын эфирин өчүрүп салышы көп нерседен кабар берет", — деп жазды Шагиева.
Посмотреть эту публикацию в Instagram
Ал саясатка такыр аралашпаганын жана эмне болуп жатканынан кабары жоктугун да баса белгилеген. Шагиева, андан сырткары, Кой-Ташта тик учактар учуп жүргөнүн, байланышты атайын үзгүлтүккө учуратып жатышы ыктымалдыгын билдирген.
"Үй-бүлөм үчүн жана ал жакта өздөрүнүн жарандык позициясын билдирем деп жабыркаган кишилер үчүн абдан коркуп жатам", — деди ал.
Ал ортодо депутат Ирина Карамушкина Алмазбек Атамбаевдин учурда кайда экенин айтты.
Азыр Кой-Ташта эмне болуп жатканын тексттик трансляциядан окуңуздар.
