БИШКЕК, 13-июн. — Sputnik. ШКУнун Бишкек шаарындагы өтчү саммитке даярдалган эстелик баштыктарды "Курдаш" коомдук фондусунун кыз-келиндери тикти. Бул туурасында "Биз ракка каршыбыз" коомдук фондусунун жетекчиси Гүлмира Абдразакова Sputnik Кыргызстанга айтып берди.
"Уюштуруучулар бизге өздөрү чыгып, ири иш-чарага баштык тигип берүүнү суранышты. Баасын, талаптарын сүйлөшүп, 50 даанасын даярдап бердик. Көп деле кымбат эмес. Алар мындан сырткары кошумча сүрөттөрдү өздөрү түшүрүп, тагыраагы, принт кылып алышты", — деди Абдразакова.
"Kurdash" буюртманы сапаттуу жасаганга аракет кылган.
"Мындай эл аралык деңгээлдеги иш-чаранын катышуучуларына атайылап баштык тигип бергенибиз өзүбүзгө да жагымдуу болуп жатат. Жөнөкөй, бирок сапаттуу кылып тиктик ", — деди ал.
Маектеш бүгүнкү иш-чаранын катышуучусунун бири алар тиккен баштыкты көтөрүп жүргөнүн көрүп калгандыгын, ал "Курдаштын" продукциясын жактыргандыгын айтып берди.
