БИШКЕК, 14-июн. — Sputnik. Цивилизациялар кагылышы тууралуу кайталама сөздөрдү токтотуу керек. Мындай пикирин Бишкекте өтүп жаткан ШКУ саммитинде Кытай төрагасы Си Цзиньпин айтты.
"Цивилизациялар кагылышы тууралуу айта бербесек. Тескерисинче, мамлекеттер арасында, өзгөчө жаштардын деңгээлинде байланышты күчөтүү керек", — деди Си Цзиньпин.
Бирок ал кесиптештери тууралуу айтып жатабы же негизи эле дүйнө коомчулугубу, тактаган жок.
Эске салсак, Кытай лидери глобалдык маселелер боюнча көп айтат. Бир ирет ШКУ саммитинде "биздин планета бир чоң айыл" деп айтканы бар.
ШКУга Кыргызстан, Россия, Казакстан, Өзбекстан, Тажикстан, Индия, Кытай, Пакистан мамлекеттери мүчө. Ал эми Белоруссия, Афганистан, Монголия жана Иран байкоочу макамына ээ.
Sputnik Кыргызстан агенттиги саммиттен тексттик трансляция жүргүзүп жатат. Жыйындын сүрөттөрүн, өлкө башчылардын видеолорун ушул жерден табууга болот.
