БИШКЕК, 13-июн. — Sputnik. 14-июнда түнкүсүн жаан-чачын күтүлбөйт, тоолуу райондордо жаан жаашы, күн күркүрөшү, бийик тоолуу аймактарда кар жаашы мүмкүн. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.
Билдирүүгө ылайык, абанын температурасы Чүй өрөөнүндө +26…+31, Таласта +25…+30 градус жылуу болот.
Ош, Баткен жана Жалал-Абад облустарында күндүн табы +27…+32 градуска чейин көтөрүлөт.
Ысык-Көлдө жана Нарын жергесинде абанын температурасы +17…+22 градуска жетет.
Бишкек жана Ош шаарларында күн ачык болот. Күндүн табы Ошто +29…+31 градуска көтөрүлсө, Бишкекте +27…+29 градус ысык болору айтылды.
