Балмуздакты жасоого бир топ убакыт жана күч кетерин Sputnik Беларусь агенттиги жазган.
Иштер толугу менен автоматташтырылып, аны даяр кылууга үч суткага чукул мезгил керектелет.
Биринчи — аралашмалар жасалып, жасоо жолу аныкталат. Андан соң алынган аралашманы жылытып, чыпкалап, пастеризациялап, суутуп жана бир топ убакыт коюп коюшат. Бул баары жабык идиште жасалат.
Аппараттык даярдыктан өткөргөндөн кийин атайын жабдууга – фризерге куюлат. Ал абага бир аз кармалат да, дароо тоңдурулуп сатыкка чыгарганга даярдалат. Тагыраагы, -18 жана андан төмөнкү суук камерада туруп, анан гана дүкөндөргө түшөт.
