БИШКЕК, 26-май — Sputnik. Кыргызстандын пара пауэрлифтинг боюнча курама командасы дүйнө чемпионатына катышат. Бул тууралуу Жаштар иши, дене тарбия жана спорт боюнча мамлекеттик агенттигинин маалымат кызматы билдирди.
Кыргызстандын спортчулары учурда Чолпон-Ата шаарында машыгып жатат. Даярдык көрүү аракеттери 3-июнга чейин уланат.
"2020-жылы боло турчу паралимпиадалык оюндарга тандоо этабы Астана шаарында 29-июндан 6-июлга чейин өтөт. Ага 90 мамлекеттен 400дөн ашык спортчу катышат", — деп айтылат маалыматта.
Кыргызстандын намысын коргой турчу спортчулардын тизмеси:
- Жыргалбек Оросбаев;
- Максат Аргымбаев;
- Адилет Камчыбеков;
- Азизбек Замирбек уулу;
- Азизбек Довранов.
