БИШКЕК, 6-май — Sputnik. "Түндүкэлектр" ишканасы энергияны коммерциялык эсепке алуу жана маалыматтык-ченөө автоматташтырылган системасы Бишкек шаарындагы төлөмдөрдү өз маалында жүргүзбөгөн 6 800 абоненттин жарыгын дистанциондук түрдө өчүрөт. Бул тууралуу аталган мекеменин маалымат кызматы билдирди.
Маалыматка ылайык, мындай кадамга абоненттердин 12,8 миллион сом карызы себеп болгон.
Электр энергиясы үчүн төлөмдөрдү Quickpay, "АсИсНур", UMAI, Terempay, KICB, "БТА Банк" төлөм терминалдарынан, ошондой эле "Элсом", UMAI электрондук капчыктарынан, "Кыргызпочтасы", "Айыл Банк", "Дос Кредо Банк", "БТА Банк" кассаларынан төлөөгө болот.
"Акылдуу" эсептегичтерге (ЭКЭАМЧАС эсептегичтери) кошулган жана өз убагында төлөм жүргүзүлбөгөндүгү үчүн дистанциондук түрдө өчүрүлгөн керектөөчүлөрдүн электр жарыгы төлөм толук жүргүзүлгөндөн кийин гана күйгүзүлөт.
