БИШКЕК, 29-апр. — Sputnik. Кыргызстанда электрондук түрдө салык төлөгөндөрдүн саны көбөйө баштаганын Салык кызматынан билдиришти.
Маалыматка ылайык, жыл башынан бери эле электрондук түргө өткөндөр 30 186га көбөйүп, жалпы колдонуучулардын саны 131 571ге жеткен.
"Бул кызмат көрсөтүү салык төлөөчүлөр үчүн өтө ыңгайлуу, себеби, убакытты үнөмдөөгө, электрондук түрдө отчёттуулукту жиберүүгө, электрондук патент сатып алууга жана Салык кызматынын башка электрондук кызматтарын пайдаланууга мүмкүндүк берет", — деп айтылат маалыматта.
Ошондой эле Салык кызматынын сайтына киргендердин саны жылдан-жылга өсүп, 2018-жылы 6,3 миллион жолу каралганы айтылат.
