"Президент Назарбаев" деп аталган жоогазынды голландиялык селекционерлер 2014-жылы ойлоп табышкан.
БИШКЕК, 28-апр. — Sputnik. Казакстандын биринчи президентинин кызы Алия Назарбаевага Алматы шаарында өткөн жоогазын фестивалында атасынын ысымы берилген гүлдү белек кылышты. Бул тууралуу Sputnik Казакстан агенттиги жазды.
Жоогазындын "Президент Назарбаев" деп аталган бул түрүн голландиялык селекционерлер 2014-жылы ойлоп таап, Назарбаевдин өзүнө тартуу кылышкан.
Аталган сорттун сабагы узун жана салыштырмалуу өңү дагы ачыгыраак.
Аталган сорттун сабагы узун жана салыштырмалуу өңү дагы ачыгыраак. Былтыр "Президент Назарбаев" жоогазынын Алматы шаарындагы Борбордук маданият жана эс алуу сейил багы менен Биринчи президенттин сейил багына отургузушкан.
Алматыда өткөн жоогазын фестивалына КМШ өлкөлөрүнөн келген жаш экологдор катышып, айлана-чөйрөнү коргоо боюнча долбоорлорун көрсөтүштү.
