БИШКЕК, 26-апр. — Sputnik. Кыргыз өкмөтүнүн аппаратында Улуу Ата Мекендик согуштагы Жеңиштин 74 жылдыгын өткөрүү боюнча жумушчу кеңешме өттү. Бул тууралуу министрлер кабинетинин маалымат кызматынан кабарлашты.
Жеңиш майрамына карата өтчү иш-чараны уюштуруу жана ага даярдык көрүү милдеттери тиешелүү министрликтер менен ведомстволорго жүктөлгөн.
Жеңиш күнүн белгилөөнүн урматына төмөндөгүдөй иш-чаралар өткөрүлөт:
- 1941-1945-жылдардагы Улуу Ата Мекендик согуштун бардык ардагерлерине бир жолку кошумча жөлөк пул төлөнөт;
- Бишкек шаарынын Жеңиш аянтында митинг-реквием, майрамдык концерт өткөрүлүп, советтик мезгилдеги аскердик техника көргөзмөсү уюштурулат;
- Борбор калаада жана аймактарда Жеңиш күнүнө арналган көргөзмөлөр, салтанаттуу иш-чаралар өткөрүлөт;
- Негизги масштабдуу иш-чара — "Өлбөс полк" акциясы.
Мындан тышкары, жогорку окуу жайлар менен мектептерде тегерек столдор уюштурулуп, лекциялар окулат.
