БИШКЕК, 24-мар. — Sputnik. Nur-Sultan.kz деген аталыштагы домен сатыкка коюлду. Бул тууралуу Sputnik Казакстан агенттиги жазды. "Товар" сайттарды жана домендерди сатуу менен алектенген россиялык telderi.ru биржасына коюлду.
Автордун айтымында, домен Казакстандын аты өзгөртүлгөн борбор калаасынын аталышын дал өзүндөй кайталайт. Баштапкы баасы – 4 миллион 200 миң рублге (65800 доллар) бааланууда.
Хостинг кызматын көрсөткөн сайттардын биринде бул домен актөбөлүк адамга тишелүү экени жана ал аны 2019-жылдын 20-мартында сатып алганы жазылган.
Эске салсак, 23-март күнү Казакстандын президенти Касым-Жомарт Токаев борбор калаа Астананы Нур-Султан деп атоо жөнүндөгү Жарлыкка кол койгон.
