Дэвиддин айтымында, алар саат 08.30да учуп кетишкен. Ал күнү аба ырайы жакшы болуп, катуу шамал болгон эмес.
Чет элдик жаран ал каттамды кыргызстандык туристтик компаниялардын бири уюштуруп, Ми-8 МТВ үлгүсүндөгү тик учак КРдин Куралдуу күчтөрүнүн аба күчтөрүнө таандык экендигин айткан.
"Мен чоң баштыктардын астында калып, бутума япониялык гид кулады. Жүргүнчүлөр дүрбөлөңгө түшүп, ошондо бутум күйгөндөй сезиле баштады. Көрсө, керосин төгүлүп кетиптир. Бул учурда тирүүлөй күйүп кетүү коркунучу бар эле, мен сыртка тезирээк чыгып кетүүгө болгон аракетимди жасадым", — деген Дэвид.
Ошондой эле ал учактын ичинде коопсуздук куру, жүктөрдү сала турган шаймандар жок болуп, кулаган маалда анын бутуна күйүүчү май төгүлгөндүгүн кошумчалады.
Япония, Польшанын жабыркаган жарандары, кыргызстандык котормочу жана үч аскер кийинчерээк Бишкекке алып келинген.
