Бул окуянын видеосу The Mirror басылмасынын YouTube каналына жарыяланган.
Жакын досторун чогулткан жигит кыздын колун сураган. Бул салтанаттуу окуя үчүн эл көп жүргөн аянтты атайылап кооздоп жасатып, белек кыла турган Lamborghini спорттук автоунаасын токтотуп койгон.
Селки келгенде жигит тизелеп туруп, бир букет роза сунгандан бир нече секунд өткөндөн кийин кыз тескери басып кеткен.
"Мен өзүмдү күнөөлүү сезип жатам, кечирип кой, бирок мен сага жок деп жооп берем", — деген селки.
Аны колунан кармап алган улан токтотууга аракет кылганы менен майнап болгон эмес.
"Мага турмушка чык! Бул машинаны сен жакшы көрөсүң го. Канчаны кааласаң, ошончосун сатып берем. Акча бар", — деп кыйкырган жигит.
Окуянын мындай болуп кеткенин күтпөгөн улан гүлдү алардын видеосун тартууга алдын ала чакырып келген операторду көздөй ыргытып жиберген. Ызыланган эркек андан соң салтанатка даярдап койгон оокат-кечелерди талкалап баштаган.
