БИШКЕК, 5-сен. — Sputnik. Жогорку Кеңештин жайкы эс алуудан кийинки VI жыйынына алты депутат жүйөлүү себептерден улам катышпаганын Жогорку Кеңештин маалымат кызматы билдирди.
Жогорку Кеңештин маалымат кызматы айрым депутаттар кечигип жана чиптерин унутуп калгандыктан каттоодон өтүүгө жетишпей калган.
Жыйынга келбеген депутаттардын тизмеси жана себеби:
"Республика — Ата-Журт" фракциясынын депутаты Алиярбек Абжалиев. Эл өкүлү жыйынга келбегенинин себебин билүү үчүн ЖМК өкүлдөрү Жогорку Кеңешке расмий түрдө кайрылуусу керектигин билдирди.
"Өнүгүү — Прогресс" фракциясынын депутаты Алтынбек Жунус уулу менен байланышууга мүмкүн болгон жок.
"Кыргызстан" фракциясынын депутаты Насыр Мусаев менен дай байланышуу аракетинен майнап чыкпады.
КСДП фракциясынан депутат Осмонбек Артыкбаев Бишкек ТЭЦин модернизациялоодогу коррупциялык иштердин алкагында кармалып, учурда камакта.
"Бир Бол" фракциясынын депутаты Аскарбек Шадиевге карата Кылмыш жаза кодексинин үч беренеси боюнча кылмыш иши козголгон. Шадиев жазында Кыргызстандан чыгып кеткен. Акыркы маалыматтар боюнча АКШда.
