БИШКЕК, 28-авг. — Sputnik. Ысык-Көл облусунун Ак-Суу районунда Toyota Estima үлгүсүндөгү унаа жолдон чыгып кетип, бир нече ирет аласалган. Бул тууралуу облустук милициянын маалымат катчысы Сталбек Усубакунов билдирди.
Анын айтымында, кырсык 27-августта болжол менен саат 10.00дөрдө Маман айылынын аймагында болгон.
"58 жаштагы киши 11 жаштагы уулу менен Мамандан Каракол шаарын көздөй бараткан. Рулга ээ боло албай жолдон чыгып кеткен да бир нече жолу аласалган", — деди Усубакунов.
Кырсыктын кесепетинен ата-бала жабыркап, ооруканага жаткырылган. Бардык материалдар тергөө бөлүмүнө берилди.
