Исаков камактагы Калиевдин таза аткаминер болгонун айтты

© Пресс-служба правительства / Сабыр АильчиевПремьер-министр Сапар Исаков и председатель правления Национального энергохолдинга Айбек Калиев
Премьер-министр Сапар Исаков и председатель правления Национального энергохолдинга Айбек Калиев - Sputnik Кыргызстан
Жазылуу
Премьердин милдетин аткаруучу убагында Калиевдин иштен кетүү тууралуу жазган арызын кабыл алып койгондо туура болмок беле деген оюн айтты.

БИШКЕК, 19-апр. — Sputnik. "Улуттук энергетика холдинги компаниясынын" башкаруучулугунун мурдагы төрагасы Айбек Калиев коррупция менен алектенген эмес. Бул тууралуу Сапар Исаков "Апрель" телеканалында сүйлөп жатып билдирди.

Совещание по итогам деятельности ОАО Национальная энергетическая холдинговая компания за 9 месяцев 2016 года - Sputnik Кыргызстан
Айбек Калиев менен Жалал-Абаддын мэри УКМКнын тергөө абагына киргизилди
Эске салсак, Калиев 18-апрель күнү "Бишкек ТЭЦтин модернизациялоо" долбоорунун алкагында козголгон кылмыш иши боюнча шектүү катары кармалган. Бүгүн, 19-апрелде, тергөө абагына отургузулду. Ага Кылмыш жаза кодексинин 303-беренесинин 1-бөлүгү (Коррупция) боюнча айып тагылууда.

Исаковдун айтымында, Калиев эч качан жаман иштерге барган эмес, тескерисинче, өлкөгө пайда алып келген аткаминер.

"Калиев коррупция менен алектенген эмес. Мисал келтирейин, Токтогул ГЭСин модернизациялоо үчүн тендер өткөндө 100 миллион долларды үнөмдөп калган. Ошондо аябай сыйлап калган элем. Үнөмдөлгөн каражат кийин Үч-Коргон ГЭСИне багытталды. Болгону Калиев ТЭЦ боюнча маалыматтык иш жүргүзгөн жок. Депутаттарга аттиштерди көрсөтүп түшүндүрүү иштерин жасабай, өзүн таштап салды", — деди Исаков.

Ал ошондой эле Калиев иштен кетүү тууралуу жазган арызын учурунда кабыл алып койгондо туура болмок беле деген оюн кошумчалады.

Бүгүн, 19-апрелде, парламент Исаков башында турган өкмөткө ишеним көрсөтпөө боюнча чечим кабыл алып, президент Сооронбай Жээнбеков отставкага кетирүү боюнча Жарлыкка кол койду.

Жаңылыктар түрмөгү
0