Таштандыдан эмес, бак-дарактан тазаланган Бишкек. Тыныстанов көчөсүнүн көрүнүшү

Жазылуу
Yandex newsTelegram
"Бишкек жашыл чарба" муниципалдык ишканасы 200дөн ашык даракты жок кылган

Кыйылган дарак. Архив - Sputnik Кыргызстан
Көрктүү Бишкек көп кабаттуу үйлөрдүн шаарына айланганда. Кейиткен видео
Бишкектин борбордук бөлүгүндөгү Тыныстанов көчөсүндө бак-дарактарды кыюу иши соңуна чыкты. Бир жыл ичинде ал жерде 200дөн ашык түп кара жыгач жана терек жок кылынган. Иштерди муниципалдык "Бишкек жашыл чарба" ишканасы жүргүзгөн. Бирок калаа бийлигинин мындай аракеттерин айрым шаар тургундары катуу сынга алууда. Себеби өткөн жылы жапжашыл болгон көчөдө азыр эч нерсе калбай калган.

Биология илимдеринин доктору, эколог Эмил Шүкүровдун айтымында, жашылдандыруу ишканасы тактай даярдаган мекемеге айланып кетти.

"Мындай мамиле жашылдандыруучулардын эмес, тактай даярдагандардын кылганы. Алардын жолду кеңейтүү үчүн кыйып жатабыз дегени жөн эле сөз. Менимче мунун аркасынан алар бизнес кылып жатышат. Себеби жол тилкесине кирбеген талдарды деле жыгышыптыр", — деди Шүкүров.

Ошондой эле ал жарактуу бак-дарактарды кайра калыбына келтирүү үчүн узак убакыт талап кылына турганын кошумчалады.

Факты незаконной вырубки лесов на южном берегу Иссык-Куля - Sputnik Кыргызстан
Премьер-министр Жууку капчыгайындагы карагайдын кыйылышын иликтөөнү тапшырды
Ал эми "Бишкек жашыл чарба" муниципалдык ишканасы алардын ордуна жаңы көчөттөр отургузула тургандыгын айтып чыкты. Мекеменин Бак кыюу бөлүмүнүн жетекчисинин милдетин аткаруучу Рыспек Калчаев бардык иш мыйзам чегинде болгондугун белгилейт.

"Былтыр жаздан баштап жолду кеңейтүү максатында талдар кыйылган. Бардыгы мыйзам чегинде жана түзүлгөн комиссиянын корутундусунун негизинде аткарылган. Анда жалпы жонунан 200дөн ашык түп дарак кесилип, бүтпөй калган иштер жакында соңуна чыкты. Буюрса бир жуманын ичинде алардын ордуна жаңы көчөттөрдү отургузабыз", — деди Калчаев.

Буга чейин мэрия шаардагы Токтоналиев көчөсүнөн Ала-Арча дарыясына чейинки аймакта дагы 100дөн ашык даракты кыйдырткан.

Жаңылыктар түрмөгү
0