Борбор калаадагы "Аю гранд комфорт" соода борборунун алдында өткөн иш-чаранын негизги максаты — бешбармакты Гиннестин рекорддор китебине киргизүү.
Белгилей кетсек, бешбармакка керектелчү 8 жылкынын этин уюштуруучулар кечээ, 10-мартта бышырышкан.
Эске салсак, алгач активисттер иш-чараны шаардын борбордук аянтында өткөрүүгө ниеттенишкен. Бул жерде каалоочулардын баары даярдалган тамактан ооз тие алышмак. Бирок шаар муниципалитети санитардык нормалар менен коопсуздук чараларынан улам "Ала-Тоо" аянтына өткөрүүгө тыюу салган.
