Исаков "Достук" көзөмөл өткөрүү бекетинин ишин күчөтүүнү тапшырды

© Фото / пресс-служба ГПС КРПограничная служба
Пограничная служба - Sputnik Кыргызстан
Жазылуу
2018-жылдын январь айынан тарта "Достук" бекетинде паспорт текшерген 10 кабина иштеп келет

БИШКЕК, 2-мар. — Sputnik. Премьер-министр Сапар Исаков бүгүн, 2-мартта вице-премьер министр Даир Кенекеевди кабыл алды. Бул тууралуу өкмөттүн маалымат кызматы билдирди.

Жолугушуу учурунда өкмөт башчы Ош облусундагы "Достук" көзөмөл өткөрүү бекетиндеги кырдаалды жөнгө салуу боюнча берилген тапшырмалардын аткарылышын талкуулаган.

Даир Кенекеев буга чейин берилген тапшырмага ылайык, бекеттин өткөрүү мүмкүнчүлүгү жогорулатылганын билдирди. Учурда паспорттук текшерүү жүргүзүү үчүн кошумча төрт кабинаны орнотуу иштери жүрүп жатат.

"Исаков жүргүнчүлөрдүн көбөйүшү күтүлүп жаткандыктан күчөтүлгөн тартипте бекеттин өткөрүү мүмкүнчүлүгүн жогорулатууну улантуу тапшырмасын берди", — деп айтылат маалыматта.

2018-жылдын январь айынан тарта "Достук" бекетинде паспорт текшерген 10 кабина иштеп келет.

Жаңылыктар түрмөгү
0