Уурунун курмандыгы болбош үчүн байлык жөнүндө эч кимге айтпоо керек. Бул тууралуу Артур Медетбеков Sputnik Кыргызстан радиосуна маек куруп жатып маалымдады.
Анын айтымында, уурулар бай адамдарды байкап жүрүшөт.
"Батирлерге, же мекемелерге уурунун кирүүсүнүн себеби, жабыркагандар өздөрү досторуна, тааныштарына байлыгы тууралуу маалымат берип коюшат. Ачыгын айтсак, кедей жашаган үйгө, же мекемеге ууру басып барбайт жана аларга кол салбайт. Акча бар жерлерге кирип жаткандыгынын дагы бир себеби уурулар ал жер боюнча маалымат алып алышат. Биздин жарандар эгерде үйүнө чоң суммадагы акча, же байлык сактай турган болсо, бул тууралуу эч кимге ооз ачпоосу керек. Коопсуздук үчүн камераларды, шарты болсо сакчы жалдашы абзел", — деди Медетбеков.
Серепчи Кыргызстандагы дагы бир чоң маселе, уурулук боюнча адам кармалып, бирок сот учурунда акталып чыгып кетерин кошумчалады.
