Алиман Жангорозова менен Сүймөнкул Чокморов. Залкарлардын таберик сүрөтү

Жазылуу
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.

Токтогул Сатылгановдун небереси Молдожан менен Абдылас Малдыбаев - Sputnik Кыргызстан
Абдылас Малдыбаев менен Токтогул Сатылгановдун небереси Молдожан. Таберик сүрөт
Кыргыз ССРинин эл артисти Алиман Жангорозова менен СССРдин эл артисти Сүймөнкүл Чокморовдун бул ирмеми 1975-жылы июль айында Фрунзе шаарында тартылган.

Ал жылы режиссер Төлөмүш Океев "Кызыл алма" тасмасын тартып, Чокморов башкы каарман Темирдин, белгилүү актриса Жангорозова айылдан келген байбиченин ролун аткарган. Сүрөттө таланттуу сүрөтчү эненин образын кагазга түшүрүп жаткан ирмеми чагылдырылган.

Ошол кезеңди КР эл артисти Чоро Думанаев мындайча эскерет.

"Мен "Кызыл алмада" жаңы үйлөнүп жаткан жаш жигиттин образын жаратып тартылып калгам. Ал эми бул эпизод Сүймөнкул Чокморовдун өнөрканасында камерага түшүрүлгөн. Менимче, Чокморов мыкты сүрөт тарткандыгы үчүн ага башкы роль берилген болуш керек. Ал эми Алиман эже актердук курамдын эң улуусу болчу", — деп эскерет белгилүү актер.

Андан сырткары, аталган тасманы жаратууга Таттыбүбү Турсунбаева, Сабира Күмүшалиева, Гүлсара Ажибекова жана Арсен Умуралиевдер катышкан.

Жаңылыктар түрмөгү
0