Катуу сууктан улам шаршемби күнү, 31-январда "Ала-Арча" дарыясында өзгөчө кырдаал жаралган. Тагыраагы, "Ала-Арча" дарыясындагы суу ташкындап бир нече үйдүн короосун каптап кеткен.
Учурда ӨКМдин 80 куткаруучусу, "Тазалык", "Зеленстрой" жана "Зеленхоз" муниципалдык ишканаларынын кызматкерлери райондук администрациялардын өкүлдөрү менен кошо тазалоо иштерин жүргүзүп жатышат.
"Ала-Арча" дарыясын муздан арылтуу иштери бир нече аймактарда жүрүүдө — Ленин администрациясы жана Ош базарынын жогору жагындагы Москва көчөсүндө жайгашкан көпүрөдө. Бул жактарда муздун көлөмү дарыянын жээгине жетип калган.
Видео материалдан 31-январь күнү "Ала-Арча" дарыясындагы суунун кескин көтөрүлүшүн көрүңүздөр.
