Кызын баллонго отургузуп өлтүрүп ала жаздады. Шаардыктардын эс алуусу тууралуу

Жазылуу
Январдын алгачкы эки жумасында эле колу-буту сынып ооруканага 207 адам кайрылган

БИШКЕК, 17-янв. — Sputnik. 1-январдан тарта Бишкектеги травматология жана ортопедия илим изилдөө борборуна тоодо эс алып жүрүп жаракат алган 207 бейтап кайрылганын Sputnik Кыргызстан агенттигине аталган борбордун башкы дарыгери Алмаз Кубатбеков айтып берди.

175 адамга амбулатордук жардам көрсөтүлсө, 32 киши ооруканага жаткырылган.

"Кеңири жайылганы сөөктөрдүн, өзгөчө тизе, жамбаш, арка омурткаларынын жаракаты. Тилекке каршы, быйылкы жылдын эсеби менен эле арка сөөгү сынган бейтаптар да бар. Бир кыз баллон менен тоодон түшүп өлүп кала жаздады", — деди дарыгер.

Лыжная база ЗИЛ - Sputnik Кыргызстан
Арка мойнуң астыңда калбасын! Лыжа тебүүчүлөргө ортопедден 5 кеңеш
Кубатбековдун айтымында, ооруканага тоодо муз тээп жүрүп жаракат алгандар күндө келет. Тажрыйба көрсөткөндөй, бөтөнчө баллон менен түшкөндөр ден соолугуна оор залака келтиришет.

"Барган сайын ылдамдыгы катуулай берип баллонду башкарууга мүмкүн болбой калат. Бөлтөк-сөлтөккө келгенде ал катуу секирет, үстүндөгү адамдар көбүнчө жерге жамбашы менен тийип, кыр аркасын, чычаңын, омурткаларын сындырып алат. Негизи эле тоодон чана же баллон менен түшүү опурталдуу. Булар адамды майып кылып коет", — деп түшүндүрүп берди доктур.

Маалыматка караганда, 4-ооруканага жылдын алгачкы күндөрүндө муз тээп жатып жабыркаган 18 адам кайрылган. Алардын көбү баллондон кулагандар.

"Бир киши үч баласын баллонго отургузуп, тоодон ылдый кое берген. Алар катуу ылдамдыкта келип токтоп турган унаага бит тийген. Кичүүлөрүн балдар ооруканасына жеткиришти. Улуу кызы бизге түштү, анын ички органдары үзүлүп кетиптир. Бул өтө кооптуу, дене бою чыдатпай оорутат. Дагы жакшы, кыз жашап кетти. Азыр абалы туруктуу", — деди Кубатбеков.

Дарыгер эс алуу маалында абайлап жүрүп, муз тебүүнүн коопсуз жолдорун тандоону сунуштайт.

Лыжная база ЗИЛ - Sputnik Кыргызстан
Борбор Азиядан жалгыз Кыргызстан туризм багытындагы рейтингдин тизмесине кирди
"Мен жакшы түшүнөм, баллондо муз тебүү лыжа же дагы башка түрлөрүнө караганда алда канча арзан. Бирок ишенип койгула, лыжа тебүү салыштырмалуу коопсуз жана кызыктуу", — деп кеңеш берет башкы дарыгер.

Ал сөзүнүн аягында эки жыл мурун болгон каргашалуу окуяны эстеди. ИИМдин кызматкери тоодон баллон менен түшүп келе жатып кулап, эсине келбеген бойдон көз жумган экен.

Жаңылыктар түрмөгү
0
Алгач жаңыларыАлгач эскилери
loader