БИШКЕК, 17-дек. — Sputnik. Чүй, Талас, Ош, Жалал-Абад, Баткен облустарынын айрым жерлерине туман түшүшү күтүлөт. Жолдор тоңголок жана тайгак болот. Бул тууралуу Кыргызгидрометтен билдиришти.
Батыштан соккон шамалдын ылдамдыгы секундасына 1-6 метрге жетет.
Чүй менен Талас өрөөндөрүндө түнкүсүн —8…-13, күндүз —3 градус сууктан +2 градуска чейин жылуу болот.
Ош, Жалал-Абад жана Баткен облустарында түнкүсүн —5…-10, күндүз 1…6 градус жылуу болушу күтүлөт.
Ал эми Ысык-Көлдө түнкүсүн —4…-9, күндүз 1…6 градус жылуу болсо, Нарында түнкүсүн —16…-21, күндүз —3 градус суук болот.
