Атыканов: Бишкекке газ менен жүрө турган 300 автобус алып келинет
Бишкекке газ менен жүрө турган 300 автобус алып келинет. Бул тууралуу Бишкек мэриясынын шаардык транспорт башкармалыгынын башчысынын орун басары Нурлан Атыканов Sputnik Кыргызстан радиосуна маек куруп жатып билдирди.
Анын айтымында, жаңы автобустардын экологияга зыяны жок болот.
"Калаадагы автобустарды жаңыртуу боюнча программа иштелип чыккан. Учурда аны ишке ашыруу боюнча аракеттер көрүлүп жатат. Сүйлөшүүлөр боюнча 300 автобус келет. Алар газ менен жүрүп, экологиялык жактан таза болот", — деди Атыканов.
Буга чейин борбор калаага жаңы троллейбустар дагы алып келинери айтылган.
