БИШКЕК, 7-дек. – Sputnik. Белгилүү продюсер Баян Максат кызы (Есентаева) бизнесмен Турсенгали Алагузовго турмушка чыкты. Бул тууралуу Sputnik Казакстан продюсердин Instagram баракчасына шилтеме берип жазды.
“Алагузова Баян Максатовна” – деп ал ачык түстөгү көйнөк кийип, колуна гүл кармап түшкөн сүрөтүнүн алдына жазып койгон.
Июль айынын башында Баян Максат кызы Алагузовдун аялы ажырашууга макул болбой жаткандыктан, үлпөт тойдун күнү белгисиз болуп жатканын билдирген. Ал эми август айында Турсенгали Алагузов жубайы Ляйсира Алагузова менен ажырашканы белгилүү болгон.
Баян Есентаева былтыр 10-июнь күнү бычакталып Талгар шаарынын ооруканасына жаткырылган. Кылмышка шектүү катары анын күйөөсү Бахытбек Есентаев кармалган. "Ден соолукка олуттуу зыян келтиргени үчүн" деген берене кийин "Адам өлтүрүүгө аракет кылуу" беренеси менен алмаштырылган. Есентаева жолдошун сотто кечиргени менен ал тогуз жылга эркинен ажыратылган.
