БИШКЕК, 30-ноя. — Sputnik. Көп аялдуулук менен күрөшүүнүн үч жолу бар, анын бири экинчи аялы үчүн эркекке салык төлөтүү керек. Бул тууралуу "Мутакалим" прогрессивдүү коомдук бирикмесинин жетекчиси Жамал Фронтбек кызы Кыргызстандагы көп аялдуулук боюнча өткөн тегерек столдо билдирди.
Анын айтымында, экинчи аял үчүн мамлекетке салык төлөө маселеси эркекти ойлондурбай койбойт.
"Мен бул маселени чечүүнүн үч жолун сунуштайм. Биринчиси мыйзамдуу катулатуу, экинчиси мыйзам иштебесе экинчи аял болуп тийгендердин материалдык жана моралдык жактарын карап укуктарын коргоо, үчүнчүсү мүмкүнчүлүгү кенен болуп экинчи аял алганы үчүн эркекке салык салуу", — деди Фронтбек кызы.
Кыргызстандагы көп аялдуулук боюнча тегерек стол Sputnik Кыргызстан агенттигинин мультимедиалык маалымат-борборунда өттү.
