Сыдыков: казактар улуттук өнөрдү жайылтуу маселесин колго алышкан
Казактар сөздөн ишке өтүп, улуттук өнөрдү жайылтуу маселесин колго алышкан. Бул тууралуу белгилүү манасчы Дөөлөт Сыдыков Sputnik Кыргызстан радиосуна маек куруп жатып билдирди.
Эскерте кетсек, 24-ноябрда Казакстандын Алматы шаарында "Ула Дала Ели" аттуу эл аралдык фестиваль өтүп, ага Кыргызстандын атынан Сыдыков катышып келген.
"Алты айда бир жолу ушундай фестивалдарды уюштурушат. Дастанчылык, ырчылык боюнча атайын мектептери бар. Улуттук өнөрдү жайылтууну эчак колго алышкан", — деди Сыдыков.
Манасчы аталган иш-чарага казак менен кыргыз таланттарынан тышкары өзбек, кара калпак өнөрпоздору да катышканын белгиледи.
